「世界文化遺產」100公里超級馬拉松系列賽
飛驒高山✅、富士五湖✅、京丹後✅、白川鄉
Completed 3/4
賽前一心以為丹後100比之前兩隻容易
起步前唔知邊到收到風完賽率都一向低
今年跑完後發現路線都幾多上落
再加上今年酷熱天氣令難度直線上升
全日最高溫度達34.2度
今年完賽率只有48%

今次沿途見到唔少參加者抽筋
絕對關天氣因素影響
身體嘅水份同鹽份經汗水大量流失
更容易令參加者係上落路段轉換時抽筋
至於我今次點避免抽筋同作事前準備
心得留返回港後與大家慢慢分享

至於點解會參加日本嘅超馬，參加過就知同全馬完全兩回事，同越野100公里都係兩回事
我一來享受著邊跑邊認識新嘅日本地方和景色，二來喜歡過程中面對自身不同的突發情況而作出相對應變

超馬充滿變數，並非所有事情都能夠賽前掌握手中，講到尾除了做好準備，心態亦非常重要，過百公里充滿許多不確定性，不會有機會100%預備好，就算預備好自己，其他因素包括環境因素也無可能預知，唯一能調整到的是自己的心態同處理方式

無論幾長距離嘅賽事，身體到最後有多累，也一定要突破自己界限， 掌櫃老豆教落要Strong Finsh完成任何一場賽！

今次如非參賽都不會拜訪丹後地區/山陰地區，去這些偏離旅客區的小城才算是真正的旅行吧！

以下是這趟旅程七天的行程精華

睇完後有興趣挑戰日本超馬嘅跑友不妨搵掌櫃傾下計🤗

到達關西機場後，先到JR Office 換領「關西5 Days Wide Pass」

選擇「關西5 Days Wide Pass」主因這趟行程會到訪大津、近江八幡、天橋立及網野等偏離大阪京都的城市

JR – 關西機場 Haruka – 京都站 – 琵琶湖線 – 大津

住宿 – 琵琶湖酒店（景靚，沿湖邊跑步一流，極推薦，回港後才知琵琶湖馬拉松是日本三大馬之一，另外兩場分別是東京馬和福岡馬，而琵琶湖馬門檻非常高）

於酒店寄存行李後，就出發去近江八幡購物

近江八幡這個地方非遊客區，都是在JR列車上沿琵琶湖線的車站逐一研究才認識

主要被Google Map上顯示有許多餐廳和購物地點所吸引

到達近江八幡站，有種較樸素的感覺，四周都很少人，更沒有其他旅客的蹤影

本來有點擔心會否白行一趟，誰知果然沒有令我和太太失望

幾橦商場都在JR站旁，行幾分鐘便可到達，一進商場太太更發現了一間很合風格的女士服裝店「Honeys」

係近江八幡購物加午餐，逗留了差不多三小時，之後就回酒店了

雖則酒店離JR大津站只有十分鐘路程，但因為實在買太多嘢要搭酒店的穿梭巴士

乘穿梭巴士的話要留意下琵琶湖湖邊有兩間名字差不多，分別是「琵琶湖酒店」和「琵琶湖太子酒店」

今次住係「琵琶湖酒店」，因為較近JR站，加上係Airbnb訂房時見到有溫泉

房型同Package有好多選擇，最後揀了一個可以使用Lounge嘅Package

相對貴啲但事後覺得物超所值，包首天嘅Welcome Drinks、High Tea、晚餐同埋翌日嘅早餐

食物飲品任飲任食，更有不少日本酒供應

首晚享用完晚餐後便同太太到湖邊散步

原先以為酒店隔離的Round 1內會有大量夾公仔機玩，誰知場館是打保齡為主

想夾下公仔就要返京都同大阪

早上起床當然要到琵琶湖邊晨跑為超馬暖一暖身

湖邊景色實在太美，最後跑到不夠十公里便回酒店

梳洗後在酒店早餐

享用過豐富日式料理作早餐後，中午起程回京都

住宿 – 御宿野乃蓮花之湯（性價比高，早餐豐富，竟然有魚籽任裝嘅魚生飯當早餐，但酒店好多遊客，浸溫泉要留意時段）

酒店寄存行李後，到京都站Porta地下街逛，主要是帶太太購物，因我已來過多次

等太太的同時用手機找了一下附近的一些特色餐廳

找到了位於藤森站附近的「菓寮 伊藤園」

京都 – 藤森（JR大和線），車程大約十分鐘

由藤森站行去「菓寮 伊藤園」要十五分鐘的路程，事後發現本地人都是駕車去

係餐廳先食個蔬菜為主的午餐，再叫了杯雪糕芭飛做甜品，臨走前係前舖買埋手信，終於可以買返啲有本土特色嘅手信

坐京阪電車回七条，車站距離京都酒店都算方便，下次十月尾上比叡山都會選擇此酒店

值得一提，如果是紅葉季節，京阪電車會是個不錯選擇，雖則它是重返京都大阪其中一鐵路但非最方便

重點是它的車站覆蓋了紅葉的熱門景點，由南至北：醍醐、伏見稻荷、東山寺、四条、出柳町(轉車到比叡山和貴船)

此酒店除左早餐豐富必食，溫泉也很多款式，比出面一般溫泉旅館多

晚餐：酒店附近有很多選擇，因我們安排了飯後到西松屋買BB野，所以選擇了Yodobashi對面的「醉心」居酒屋

位於地庫，餐廳十分大，自助落單非常方便，居酒屋嘅優勢在於大部分想食嘅野都有！

食飽後到Yodobashi樓上4樓的西松屋，感覺唔太大間，比第六天大阪個間簡值兩回事

好野要講第三次，酒店早餐真心豐富，任裝魚子飯，裝到成碗都係😍飽到晏晝可以Skip

食飽飽之後出發去天橋立啦！終於坐上期待已久嘅「橋立號」！事關每次坐Haruka離開京都都會望到隔離月台的「橋立號」，一直都無機會坐

「橋立號」車廂內跟Haruka分別不大，最大分別係欠缺行李架，兩個行李箱要放係近門口位置，搭左兩小時JR，時時刻刻都要望住

到達天橋立，感恩天色非常好，原先計劃將行李放於車站的Locker，可惜空間不足

最後看見車站對面的商店提供行李寄架服務，當然臨走前幫襯下買返幾盒天橋立獨有手信

寄完行李，之後行大約十分鐘就到達上飛龍觀景的吊車站

有兩種方式上山，一是較多人坐的吊椅（前題要不畏高），二是可同時多人乘搭的纜車

買票連等候約十分鐘，我跟太太也不畏高所以都選擇坐單人吊椅上飛龍觀景台

上到山頂，人算多但不會水泄不通，感覺山頂是一個小型遊樂場，不少家庭和情侶

我同太太在此留咗差不多兩小時

一上到頂當然首當其衝必定是影日本三景之一的飛龍觀

之後買票坐腳踏觀景車，一圈大約一百米多但勝在天氣好觀景一流

排隊係展望台位影相打卡也是必須的

幸運地遇上晴天，雖然非常炎熱但如此美景

付出多少汗水但換來的絕對值得

同時發現飛龍觀非常適合一家大細，這裡有很多兒童遊樂設施，一致認為會帶呀囡再到訪

同老婆食左個軟雪糕便離開了

取回行李後便乘丹後鐵道前往網野（比賽場地）

由天橋立開出前途經網野的丹鐵只得一卡，外型非常古性古香，復古味濃

半小時左右到達網野，指定車尾上車頭落車對票

本來也懷住好期待嘅心情，誰知一落車心情180轉變

過去車站出口的天橋竟然沒有升降機！？需要徒手搬兩個喼過橋！

今舖真係唔妨唔「天橋立」，見到條橋企左係到！

兩個行李箱都非常重，我小心翼翼咁逐個由樓梯底搬上橋，再搬到出口處的月台

好彩最後都無整親腰

但因為要搬行李錯過左一班由車站至會場嘅穿梭小巴，下班足足等了二十分鐘

等小巴時發現有幾位台灣的大叔，到會場時有傾兩句原來佢地參加左60公里組別

小巴來了，發現又要自己搬上一架無行李位嘅小巴，真係比賽前都要訓練下體能

兩件行李霸左兩個座位，好彩上車的參加者剛剛夠位坐

到達會場後不知哪裡取回選手包

當地人的選手包會提早寄出，海外的需賽前一天於會場領取

最後經那幾位台灣叔叔幫手，成功取了選手包

之後係會場影幾張相便快快乘Taxi去酒店

網野嘅街上好難截到的士，當天要靠大會工作人員幫手Call才有車

住宿 – LiveMax Resort（性價比高，早晚餐豐富，晚餐有Sabusabu，景觀一流特別是日落，唯獨可惜室外溫泉因維傷暫停）

Resort Checkin 後原來又要行十幾級樓梯上去搭𨋢，第一日當然無問題，一諗到跑完一百公里離開時要搬走就…

第三晚晚餐前準備定比賽時嘅裝備同物資

享用豐富嘅晚餐後就爭取休息時間

決戰當天，零晨三點起床，令人懷念的超馬儀式感

穿上裝備，飲過事前準備嘅Race On雙速咖啡因雙層錠、水動能電解質液同ReForce Vitamin C 維生素C

藉此感謝台灣運動營養補充品Race On的長期支持和特別於今之賽事前的專業補給建議

今次備戰丹後超馬，我除了在跑姿上作出調整，補給上的準備也作出了調整

今次整場賽事前中後的營養補充品都選用了Race On

賽前Race On台灣品牌方主動基於我的運動記錄和大會水站安排作出了專業分析

之後透過zoom與我詳細地講解超馬中補給上要注意的事項

特別是啟發了我在補給上的認知和適當的策略

發現原來以往賽事期間補給上的不足可能是影響表現的關鍵

適時的補水、補電解和補卡路里是今次超馬的課題

再三檢查裝備後便跟老婆道別，離開酒店後摸黑出發，上次要數到幾年前的「富士五湖」

由Resort步行到起點網野縣亭前預計20分鐘左右

起初以為全程只得自己一個，不過跟Google Map行很清晰

行左5分鐘左右已經見到前面有幾位開頭燈嘅日本人

知道一定也是往起點進發的參賽者

到達會場後，人雖然多但日本人真的好守秩序，安排完全沒有混亂

大會設有幾個起步時間分批出發

掌櫃屬第二批次，於0425起步

一如以往起步前的興奮依舊，看到第一批0420出發全身的細胞好像在說想快點起步一樣

丹後超馬 沿途經歷

賽前一天到達網野，知道比賽當日日照時會非常炎熱

策略上趁日出前盡量跑快一點

頭半馬盡量保持5分半內

早上9點開始太陽出來後一直處於苦戰

一邊同太陽玩遊戲一邊提醒自己補足水份同電解

已不記得由哪個CP開始要不斷淋水和冰敷降溫

賽前左腳近Hip的傷患未完全康復

所以整場賽事都以較保守的策略，心態上順利無傷完賽為目標

祈望中途痛楚不會突出出現

雖然今次完成半馬後左腳在落斜時開始出現狀況

但感恩在稍作休息和慢跑後傷患沒有再影響進程

清楚自己上斜無痛落斜痛嘅問題，把握上斜路段爭取時間

到落斜路便緩慢地順暢地落，提升步頻，保持節奏

避免被其他跑手影響，超馬賽事最容易嘅犯錯，一般都是因為被其他跑手打亂了自己的計劃

除了基於身體狀況作出調整，同時也要對於高溫天氣作出調整

以往飛驒高山和富士五湖比今次舒適，高溫下身體補水和恆溫都缺一不可

酷熱天氣有機會導致抽筋，嚴重的會出現中暑或熱衰竭

今次掌櫃在賽事期間比以往賽事更積極補水補電解食香蕉

日本超馬比全馬在飲品上的款式更多選擇

除了水和運動飲品，還有麥茶、汽水和碳酸飲品

掌櫃比較建議多喝水及運動飲品，避免在賽事期間飲用一些有汽的飲品，減少腸胃出現問題

另外使用冰來為肌肉降溫也是非常奏效的方法，同時間能夠讓肌肉得以放鬆

掌櫃較喜歡將冰放於額頭、頸後、膝後，下次比賽遇上酷熱天氣大家不妨試下

到達90公里後基本上大局已定，最後十公里特別的有信心

原本的保守態度逐漸地變得進取，也許是知道距離終點越來越近

最後再次回到網野市內熟悉的路段，決定用埋最後的力氣一口氣衝回終點

感謝老婆再次係終點等我

今次算是三隻超馬來說最滿意的一隻，完成時間11小時47分

賽後得知統計完賽率48%，相信是因為34度的高溫導致比往年更少人完成

今年男子排名141位、男子30-39歲排名29位

有關今次賽事嘅賽事數據，可以係官方網站查閱

完賽後係會場要坐一段時間才能恢復，相信身體出現過熱情況，有點暈眩感

更衣後便起程乘的士回Resort，返到Resort休息一下等食晚餐

期間認識了一位同樣住兩晚的香港女跑手Carly，她參加60公里組別

感覺非常特別，置身日本一個小城鎮的一角也能遇上

期待日後在香港再次見面，下場比賽請繼續加油！

事後回港留意Youtube發現今場賽事有許多跑手邊跑邊拍攝錄影

原來日本著名超馬KOL myaco_run 都有跑100KM

更只用了9小時32分10秒，非常利害！

有興趣可以觀賞一下佢今年嘅賽事記錄，另外Youtube上會有更多日本參加者今年參賽嘅記錄片！

昨晚比賽後太攰，晚飯後便早休息

今朝早一起床當然要係露台一邊浸浴一邊欣賞日出啦！值回票價！

浸到差不多時間就落去食個靚早餐

靚景靚房靚早餐，比城市嘅酒店相比係貴嘅，不過都係個個字「值」

而且同太太同一致認為如不是參賽都不會來到網野這個偏遠的小鎮

既然難得來到，今次網野之行兩天天氣極佳加上事事順利（除了第一天要將行李搬上搬落XD）

結論望著海邊做任何野個人都開朗啲，連吸啖空氣都特別清新

今次住過網野嘅影響深遠，以後嘅溫泉酒店都更有要求

第一天已預約了早上的直通車由網野回到京都，帶住不捨同肌肉痛楚離開這個小鎮

再見了網野，不知將來會否自駕遊再次經過此地

JR – 特急列車「丹後之海 Tango Noumi」，直接由久尾濱經網野回到京都站

坐了兩小時的列車，回到京都後落車把握時間同列車留影

每次係日本乘坐完特別的列車後都習慣了留影

因為不知自己今世重有無第二次機會再乘搭

加上日本的列車真的各有特色，不論名字或車廂內外設計

離開京都站後直接先前往酒店寄存行李

住宿 – Hotel Kanra Kyoto

此酒店距離京都站約15分鐘路程

鄰近東本願寺，酒店內部設計富日本風格

網上評價亦不錯，可惜這酒店我只能給予負評

因為最基本的房間隔音竟然嚴重不足（特別掌櫃是需要靜嘅環境下才能入睡）

晚上被街外的車聲影響了睡眠，真是令人失望，不會再考慮

這酒店的位置有一個問題，便是距離食店有一段距離

最終午餐同太太回到京都站附近食

找了一間有很多定食選擇的餐廳

叫了個刺身定食和鰻魚定食，非常推薦

一般這類餐廳雖然選擇多但會擔心質素比出面的專門店差一點

但這間餐廳每一款菜式都很高質

午餐後去Yodobashi地庫的¥100店逛逛，第二天來京都時沒去的地方

之後去逛剛巧在東本願寺對出的手作市集，原來這天剛巧是日本公眾假期「長者日」

係市集到竟然見到一個叔叔的地攤售賣自己人手製作的「手指琴」

得知某朋友愛彈，便買了一個最有特色的送給他當生日禮物，希望喜歡

逛完順路回酒店稍作休息和等待做SPA

訂房時得知酒店內有SPA

旅行前幾個月特別預約了係超馬後

今次帶老婆初體驗日本的SPA

果然很不錯，性價比不高，日本價錢一定比香港及泰國貴

但服務和手法非常專業

掌櫃建議有興趣可安排於賽事後

一般大型商場內的按摩店相信也可以幫助放鬆和回復

做完90分鐘SPA再回房間休息一下

等到晚上去左距離酒店15分鐘路程的炸物店食晚餐，因太太想食炸豬排

餐廳內部座位不多，像間小型拉麵店般，細細間以Bar檯圍住煮房的格局

座位十多個，食客圍住師傅在炸爐內預備不同的食物

套餐內有和牛、雞、蔬菜、蛋等等

估唔到「一口炸蛋」係油左啲但原來都幾好味

有興趣可以去試下感受下

Kyoto Katsuda – Specialist Katsu Curry Restaurant

https://maps.app.goo.gl/E6HiU3qh4SL1DE2D7

食飽飽就返酒店係房間內個大木桶浸個浴再瞓覺（可惜太嘈瞓唔好）

第二朝就起程落大阪瘋狂掃BB野俾呀囡XD

早上起床係酒店地庫食個自助早餐

雖則無第一朝咁豐富但食品款式也不少

款式都多是西式，眼見大部份的住客都是歐美國家

值得加錢食埋，味道不錯、選擇也很豐富，加上附近早餐選擇不多

CheckOut後便步行到京都站乘JR回大阪

問問大家京都去大阪有好幾條線路可選擇？

其實除了JR外，還有阪急線和京阪線

地理上和時間上都較方便所以今次選擇了JR

如果住近京都站就選擇JR，如果住近河原町就選擇阪急線

乘坐區間快速大約半小時便到達大阪站

大阪的酒店最無要求

最重要近JR站，因為第七天很早便出發到機場

住宿 – Hotel Hankyu Respire Osaka

一如以往先寄存行李係大堂櫃位，就出發掃貨

目標已鎖定了天王子阿倍野的Q’s Mall

因為商場裡面有很多小童及嬰兒商品

先去Q’s Kitchen醫肚，食左超好食嘅神座拉麵

之後就向下逐層掃，掃左好多衫仔、褲仔、鞋仔俾呀囡

逛完Q’s Mall原先打算順路去附近的「Milestone Teradacho」

「Milestone Teradacho」係日本知名山系品牌「Milestone」嘅第一間Concept Store

2023年7月1才落成開幕

可能逛到得意忘形離開Q’s Mall後完全忘記了

直接去了本町站附近的阿卡將本舖大阪本町店

係呀囡舅母推薦嘅日本BB用品店

係日本除左西松屋以外嘅選擇

今次到訪主要想買套BB日本浴衣俾呀囡

掃完貨之後折返去Milestone Teradacho

店舖位於寺田町站距離5分鐘路程

剛巧Milestone創辦人也在店

繼上次係青梅戶外展見面後再次見面

同創辦人傾下計

不知不覺係店留左差不多一小時

買咗幾份手信同一些限量版產品

跟創辦人打個卡留念後便離開了

總算是這趟旅程所有目標都達成了

朝聖後老婆建議去桃谷站附近的西松屋再戰（最終回！）

這間西松屋入夜近乎無人

比京都那間更大更好行，應該是大阪市的旗艦店

再次買咗好多野好多野俾呀囡

晚上回梅田阪急三番街食行程第二次燒肉

老婆又係三番街內嘅Honey作最後血拼XD

食完晚飯就慢慢行返酒店休息

臨瞓前係酒店房食個杯麵送杯罐裝HighBall

兩個字「極爽」！

旅程到了最後一天，早上5點起床

於大阪JR站乘坐6點多首班的關空快速列車

留意關空快速列車部分只有頭4卡車往機場，之後的車卡會以和歌山為終點

到達機場後先寄存行李

再慢慢到樓下餐廳食個豐富日式早餐

定食有蕎麥麵又有炸豬扒蛋飯，非常滿足

出境安檢後作最後搏殺

買些手信同去一趟機場的Uniqlo（等Uniqlo開門XD）

掌櫃唔鍾意去連鎖店買衣服

唯一會買嘅係Uniqlo嘅Airsim內褲（因為喜歡第一代）

剛巧見到推出了第二代，所以決定一試

配合跑步或越野跑褲非常適合舒服

未試過嘅跑友山友，除左性價比高嘅Aonijie之外，這也是個不錯的選擇

最後便同太太乖乖去閘口坐飛機回港

係飛機睇左「阪本龍一」自傳，才知道他是個如此特別的音樂家

飛機降落香港前係香港上空影到麥徑途經嘅一些地點

萬宜水庫、城門水塘、大帽山

以我熱愛嘅香港大自然獨特嘅一面作結

此趟旅程非常非常之完滿同感恩

今次賽事之後，我對Race On產品更有信心，亦更清楚如何最有效地配合自己的能力同目標去使用

現在我平日不論在馬拉松或越野跑上的訓練都必定使用水動能電解質液同雙速咖啡因雙層錠

一清早出門或需要通宵賽事必定會使用咖啡錠

日常生活會使用Race On的其他營養補充品如「Oxymal Iron B Complex Dual Layer Tablets 鐵+維他命B群」、「Bone Armour 鎂+鈣」和「Liquid Shield Vitamin D3+E Drops 維他命D3+E」

長途訓練後或者家人作病時我也會沖一杯「ReForce Vitamin C 維生素C」來預防因抵抗力降低而患病，從而影響運動表現

BTW，今晚「富士五湖」剛巧公佈2024年4月21日辦第34屆！10月20日晚上6點開始接受報名！有興趣參加嘅朋友歡迎搵我傾下俾下意見